Facebook սոցիալական ցանցի օգտաատերերից Ջորջ Բարբառը/George Barbar/  հաղորդագրություն է տարածել` զգուշացնելով, որ թուրքերի կողմից հայ օգտատերերի էջերն ու հաշիվները  ցանկացած պահի կարող են ենթարկվել  հակերային հարձակման։

Տհաճ անակնկալից  խուսափելու համար օգտատերը մի քանի  ցուցում է տվել, թե ինչպես կարելի է խուսափել  նման հարձակումից։

Նշվում է, որ հակերները 99%–ով կեղծում են օրիգինալ էջերը, ապա հաղորդագրություն ուղարկում, թե եթե ցանկանում եք, որ  ձեր  հաշիվներն ու էջերը չարգելափակվեն վերստին մուտքագրեք գաղտնաբառը, որն անելուց հետո հակերը անմիջապես իմանում է գաղտնաբառն ու էջը դարձնում իր սեփականությունը։

Իսկ անհայտ անձի  կողմից ուղարկված նկարի, երգի, ֆիլմի կամ այլ էջի լինքի միջոցով համակարգիչ  մուտք է գործում վիրուս, ինչը թույլ է տաալիս հակերին տիրանալ համակարգչի ողջ  տեղեկատվությունը՝ այդ թվում գաղտնաբառերին։

Հակերների հարձակումից խուսափելու  համար պարզապես  խորհուրդ է տրվում  չդիտել անծանոթ օգտատերերի ուղարկած էջերը։