Մայիսի 20-ին տեղի կունենա Արեգակի օղակաձև խավարում, այսինքն` ի տարբերություն լրիվ խավարման, Լուսինը ծածկելու է Արեգակի սկավառակի հիմնական մասը` եզրերում թողնելով նեղ լուսավոր օղակ: Հայկական աստղագիտական ընկերության հաղորդագրության համաձայն` սա 1994 թվականից հետո Արեգակի առաջին օղակաձեւ խավարումն է: Այն կսկսվի Գրինվիչի ժամանակով (UTC) ժամը 20:56:07 և մի քանի ժամ անց` 23:53:54 (UTC), կլինի առավելագույն փուլը, որը կտևի 5 րոպե 46 վայրկյան: Խավարումն ամբողջությամբ կավարտվի 02:49:21 (UTC): Խավարման առավելագույն փուլում Լուսինը կծածկի Արեգակի մոտ 0.94 մասը: Խավարումը տեսանելի կլինի Արևելյան Ասիայից, Չինաստանից, Ճապոնիաից, Խաղաղ օվկիանոսից, ԱՄՆ-ի արևմտյան շրջաններից: Հայաստանից խավարումը դիտել հնարավոր չի լինի, քանի որ խավարման ժամերին այստեղ գիշեր է լինելու: 2012 թվականին Արեգակի ևս մի խավարում է սպասվում` նոյեմբերի 13-ին:
| 
